真心! 識過其他東南亞女仔,就覺得港女係痴線嘅!

2019年02月14日     21,716     檢舉

以前都覺得 喂大家香港人當然搵返香港女仔架啦

我以前d女朋友唔係話差, 只可以講係「係香港女仔中比較正常」

前排無聊諗住用交友app識人, 就覺得用app當然去識外國人啦

於是就狂用app識台灣、日本、韓國以至東歐人

識完之後, 我先發現香港女仔係幾咁痴線…

先講外國人點睇香港男仔

的確大部份都以為香港真係中國一部份(就算台灣人都好, 都有d問我點解唔打簡體…)

但同時又覺得香港好繁榮, 而且香港人普遍有錢d

最重要係, 大部份都話香港男仔好好

(老實講成個東亞國家, 係得香港男仔咁「小男人」, 比較細心、溫柔、就得女仔、睇得起女仔)

(唔好話我ff, 連自己都唔信自己能力, 你唔好學人溝女)

所以基本上同佢地傾計係好開心, 大部份都係用心同你傾計

並唔係好似大部份港女咁, 你冇話題就係你問題, 完全唔覺得其實係自己冇心傾/唔開話題

以地區黎講, 台灣妹係最鍾意香港男仔, 始終文化相似、文字相似,而且地理位置近,受香港文化影響亦較多

而韓國妹係第二鍾意香港人, 其實韓國人唔太鍾意西方人(同日本妹最大既分別)

但同時韓國妹係好唔鍾意韓國男仔(去過都知韓國男人好樣衰, 而且佢地極大男人, 又極假)

又加上唔少人對日本又冇話太大好感,台灣相比韓國又較落後,中國就唔洗講…

所以香港男仔依個特別既身份對佢地黎講係好正、好受歡迎

日本妹就再次d,最後係東歐妹(但都有唔少係鍾意日韓文化鍾意到痴線)

但其實我又唔係為左呃蝦條, 真係為左識人

所以傾傾下, 最終同左個韓國妹好熟

又主動又nice又唔會發脾氣…自己諗話題、自己講早晨晚安(好有交帶)

日夜facetime、分享趣事

大佬, 我冇諗過原來女人係咁既生物…

先唔好講韓國人整容問題啦, 就算唔係講韓國

我以前傾落既大部份東亞妹妹, 性格都係遠勝香港妹

(不過香港人比較好既係香港女仔其實算係東亞最靚, 唔好再信d咩日韓台妹好靚, 台灣妹老土、韓國人整到唔似人、日本人普普通通)

其他新聞

楊冪最新零P圖照曝光 網民:成隻喪屍咁

唔講唔知好多女星都係靠化妝先變女神,有啲仲要靠後天P圖先搞得掂。今次就有網民影到楊冪最新近照,仲要冇P圖,個樣真係有啲大驚嚇囉。

內地女星楊冪嘅新作《寶貝兒》,成功入圍今屆西班牙聖塞瓦斯蒂安國際電影節嘅主競賽單元,日前佢就同導演劉傑,以及男主角郭京飛去西班牙出席首映禮。

身處異地嘅楊冪,緊係唔少得影返啲靚相啦!楊冪工作室就喺微博post咗幾張靚相,相中見到楊冪著住白色洋裝,加上大波浪捲髮,真係好有歐美風情。再加上cool到爆嘅表情,真係好pure好true。

隨即網上就流出一組楊冪未P圖嘅相,見到佢個樣有啲殘。除咗清楚見到佢臉上嘅皺紋,膚質都好似差咗好多,睇落係老咗。

唔少網民紛紛留言:「無修圖還是美的,畢竟歲月不饒人嘛」、「也算可以了,只是皮膚狀態沒有那麼好」、「只能說歲月還是留下了痕跡。」

俾返啲J圖大家洗洗眼先!

雖然呢啲相應該都執唔少,但都叫正常啲呀!

內容未完結,請點擊「第2頁」繼續瀏覽。